حكاية الرجل مع الربع جنيه !!! حكاية هتموتك من الضحك

بسم الله الرحمن الرحيم
السلام عليكم ورحمة الله وبركاته

مرة واحد كان معاه ربع جنيه
ففكر يعمل بيه إيه
يشرب عصير قصب و لا يركب الأتوبيس
فقال : أنا لو ركبت الأتوبيس هيبقي في حل من إثنين
يإما هقف أو هقعد
لو وقفت مش هيبقي في أي مشكلة
لكن لو قعدت هيبقي في حل من إثنين
يإما هيقعد جنبي راجل أو تقعد جنبي ست
أنا لوقعدت بجانب راجل مفيش مشكلة
لكن لو قعدت بجانب ست هيبقي فيحل من إثنين
يإما هنعجب ببعض يإما مش هنعجب ببعض
لو مأعجبناش ببعض مفيش مشكلة
لكن لو أعجبنا ببعض هيبقي في حل من إثنين
يإما هنتجوز يأما مش هنتجوز
لو مإتجوزناش مفيش مشكلة
لكن لو إتجوزنا هيبقي في حل من إثنين
يإما هنخلف يأما مش هنخلف
لو مخلفناش مفيش مشكلة
لكن لو خلفنا هيبقي في حل من إثنين
يإما هنخلف ولد أو بنت
لو خلفنا بنت مفيش مشكلة
لكن لو خلفنا ولد هيبقي في حل من إثنين
يإما هيستقيم أو هينحرف
لو إستقام مفيش مشكلة
لكن لو إنحرف هيبقي في حل من إثنين
يإما يدمن أو مش هيدمن
لو مأدمنش مفيش مشكلة
لكن لو أدمن هيبقي في حل من إثنين
يإما هيبقي معاه فلوس أو معهوش
لو كان معاه فلوس مفيش مشكلة
لكن لو كان عايز فلوس هيبقي في حل من إثنين
يإما هيسرقني أو هيقتلني
لو سرقني مفيش مشكلة لكن لو قتلني
يقتلني ؟؟!!!!!!!!!
يقتلني ؟؟!!!!!!!!!
لا ياعم أنا أشرب عصير قصب أحسن
آل يقتلنى آل

يارب تكون عجبتكم
تقبلوا سلااااااااااااااااااااااامى