اسئله من اللي بتوجع البطن

سئلة رخمة من اللى توجع البطن


يا رب ما تدعوا علي

اسيبكم مع الاسئلة
****************
س: ايه الشبه بين الجرنال والشمس ؟؟
ج: الاتنين بيطلعوا الصبح
س: ايه الشبه بين التفاح والكمثرى ؟؟
ج: الاتنين مش جوافة
س: ايه الشبه بين الصعيدي الذكي وسوبر مان ؟؟
ج: الاتنين خيال علمي
***********
س: ايه الفرق بين الصحراء.. وايام الاسبوع.. وموس لورد ؟؟
ج: الصحراء مفيهاش حد
ايام الاسبوع فيها حد واحد
موس لورد فيه حدين
***********
س: واحد وقع من الدور التاسع لقى ايه ؟؟
ج: لقى مصرعه
س: واحد وقع من الدور العاشر لقى ايه ؟؟
ج: لقى حتفه
***********
س: ليه الأرنب مبيعديش من قدام القهوة ؟؟
ج: بيخاف من السحلب المكار
س: دكتور أسنان ارتكب جريمة يسجنوه فين ؟؟
ج: في سجنال تو
***********
س: ليه نابليون كان بيقعد قدام التلاجة ؟؟
ج: عشان يستنى حملة فريزر
***********
س: ايه هي قمة الادب ؟؟
ج: انك تخبط على التلاجة قبل متفتحها
س: ايه هي قمة الصبر ؟؟
ج: انك تستنى حد يفتحلك
س: ايه هي قمة الدهشة ؟؟
ج: حد يفتحلك فعلا
***********
س: إيه وجه الشبه بين الحلاق وجورباتشوف ؟
ج: الإتنين بيتعاملوا مع الروس
س: إيه وجه الشبه بين القمر وصينية البطاطس ؟
ج: الإتنين ميتعملوش عصير مانجو
***********
س: إيه العلاقة بين الكمبيوتر والحفرة ؟
ج: الكمبيوتر حاسب آلى
أما الحفرة حاسب لتقع
س: ليه في الأرجنتين مش بيزرعوا تين ؟
ج: لأنها من الدول اللا تينية
***********
س: إيه الفرق بين الليمون والزيتون ؟؟
ج: الأولاني بيتعمل منه لاموناتة والتاني مابيتعملش منه زاتوناتة
س: إيه الفرق بين الزمالك والشامبو البرت بلاس ؟؟
ج: البرت بلاس اتنين فى واحد لكن الزمالك اتنين فى عبد الواحد

ههههههههههههه اه اه مين هيودينى للدكتور دلوقت انت المسئول
هههههبارك الله فيك

هههههههههههههههههه
منور المنتدى

بجد موضوع جميل....................بارك الله فيك
((تقبل مرورى))

عاشقه رسول الله كتب:بجد موضوع جميل....................بارك الله فيك
((تقبل مرورى))

ميرسي لمرورك

atina كتب:واووووووو بجد اسئله تجيب مرض مش وجع بطن بس ههههههه

ههههههههههههههه
اه بتجيب انفلونزا القطط هههههههه خلي بالك بقى

قديمه هو ده الجديد انها قديمه ههههههههههههههههه
الحاجات دى كنا بنشل بيها المدرسين عشان نضيع الحصه بس لذيذه منك تقبل مرورى